Barcelona Voedingskema

Ongeveer 350 kinders ontvang 2 maal per week ’n warm maaltyd (samp & bone gemeng met wortels, aartappels, tamatie-puree, vleisbene en 2 snye brood) Ons begin met ‘n geestelike boodskap en sang onder leiding van jeugleiers, opgelei deur “Street Evangelism”.

Sporadiese uitstappies, asook ‘n Kersfunksie word gereël met ‘n kersboodskap, geskenke en lekkernye. Woensdae word die 2 vraghouers gebruik as munisipale kliniek vir die gemeenskap.

Reach Uitreikgroep

Geleë in Highfield Straat, Korsten. Reach se vrywilligers hanteer verskeie programme vanaf disipelskap, veiligheid in die gemeenskap, voorkoming van gesinsgeweld, programme oor dwelm misbruik, berading en heelwat meer projekte met die kinders van die omgewing as diens aan hierdie gemeenskap. Ons verleen finansiële hulp met die huur vir perseel, ‘n voedingskema aan die kinders en  borg ook “life skills” kampe. By die Ouetehuis borg ons een jaarlikse goeie ete.

Sydenham Ouetehuis

Summerbreeze Super Spar in Somerstrand verskaf hulp met kos om 42 hulpbehoewende senior burgers wat hier woon se finansiele las te verlig. Ander materiële hulp soos klere, ens word baie waardeer.

Maranatha - Siyakathala

Sporadiese hulp met verskaffing van klere en kos soos en wanneer ons kan.

Bedelaars

Betrokke by opspoor van families of hulp met vervoer na plekke waar hulle weet hulle werk kan kry, vir die wat gehelp wil word. Siyakathala, die oornag plek, is tot hulle beskiking waar hulle kan stort, eet en in ‘n skoon bed slaap. Kaartijes vir oornag verblyf by Siyakathala beloop slegs R10

Bosslapers

Meeste van die bosslapers by Noordhoek is ontruim en terug in samelewing.Tans besig met ‘n nuwe werksverskaffing projek deur hulp te verleen aan hulle om vuurmaakhout verspreidings besigheid te begin.

Gemeentehulp

Sporadies word kospakkies aan gesinne in die omgewing verskaf wat nie kos het nie.