Kleingroep-materiaal: 2 Konings 5 - 22-28 Augustus

Kleingroepe - Materiaal

Sondag, 22 Augustus 2010 00:00 Laas Opdateer op Vrydag, 20 Augustus 2010 16:12 Geskryf deur Chris van Wyk

RUS EN ONTVANG

• Dink na oor jou kontak met mense die laaste week.
  • Waar het iemand iets kleins vir jou beteken wat ’n verskil in jou lewe gemaak het?
  • Waar kon jy iets kleins vir iemand doen wat ’n verskil in hulle lewe gemaak het?
• Vertel dit vir mekaar en dank die Here vir wat Hy deur mense vir jou en deur jou vir ander beteken het.

HOOR EN ONTGIN

• Lees die verhaal van die dogtertjie en Naäman in 2 Konings 5.
• Sê vir mekaar wat die teks by jou wakker gemaak het.
  • Dit is belangrik dat mense kans kry om te deel wat hulle self gehoor het.
  • Ons val mekaar dus nie in die rede of kritiseer mekaar nie.
  • Julle kan “ eggo” wat julle gehoor het, deur kortliks op te som wat julle by mekaar gehoor het.
• Hoe inspireer die verhaal jou?
• Wat leer die teks vir jou oor dankbaarheid en erkentlikheid?

LEEF EN ONTPLOOI

• Dink nou weer na oor jou kontak met mense die afgelope tyd.  Wat dink jy is God besig om deur die kontakte met jou te laat gebeur?
• Wat is jy besig om te leer wat jy beter sou wou doen?
• Na wie toe stuur die Here jou weer terug?
• Sluit af met 'n gebed.
• Onthou om die geestelike gewoonte van dankbaarheid en erkentlikheid te beoefen.  Voorstelle hier.

Kleingroep-materiaal - 1 Konings 17 & 18. 8 - 14 Augustus 2010

Kleingroepe - Materiaal

Maandag, 09 Augustus 2010 18:15 Geskryf deur Deon

KLEINGROEP-MATERIAAL

Lees 1 Konings 17 en 18

 Luister na die teksgedeelte – wat tref jou?

•             Watter woord of frase het vir jou uitgestaan?

•             Waar het jou gedagtes gestop?

•             Deel dit met mekaar.

Luister na die konteks – waar is ons?

•             Wat is die konteks van die verhaal?  (Geografies, polities, sosiaal, maatskaplik, ekonomies)

•             Wat doen dit aan mense in die teksgedeelte – hoe reageer hulle daarop?

•             Wat is ons konteks?  (Geografies, polities, sosiaal, maatskaplik, ekonomies)

•             Wat doen dit aan ons – en hoe reageer ons daarop?

•             Watter raakpunte en verskille is daar tussen daardie konteks en ons eie?

Luister na God – wat doen God?

•             Waar is God in die verhaal besig om te werk?

•             Wat is God se goeie nuus in (= evangelie) in die verhaal?

•             Hoe roep God mense daar om betrokke te raak by wat Hy doen?

•             Hoe help die gedeelte jou om God se werk beter te verstaan?

•             Waar is God in ons konteks besig om te werk?

•             Wat is God se goeie nuus (= evangelie) vir ons konteks?

•             Hoe roep God mense om betrokke te raak by wat Hy doen in ons konteks?