Kleingroep-materiaal: 2 Konings 11-12 - Om God te aanbid in 'n wêreld waar geestelike strukture bouvallig raak

Kleingroepe - Materiaal

Sondag, 05 September 2010 00:00 Geskryf deur Chris van Wyk

Laat iemand rustig die hele verhaal in 2 Konings 11-12 lees.

Luister na die teksgedeelte – wat tref jou?

• Deel dit met mekaar.

Luister na die konteks – waar is ons?

• Wat gebeur in die konteks van die teksgedeelte? – geografies, polities, sosiaal, maatskaplik, ekonomies
• Wat gebeur in ons konteks? – geografies, polities, sosiaal, maatskaplik, ekonomies
• Watter raakpunte en verskille is daar tussen daardie konteks en ons eie?
• Hoe reageer ons daarop?

Luister na God – wat doen God?

• Hoe help die gedeelte jou om God se werk beter te verstaan?
• Waar kan jy betrokke raak by wat Hy doen in ons konteks?

Kleingroep-materiaal - 1 Konings 21 - 29 Augustus - 4 September 2010

Kleingroepe - Materiaal

Donderdag, 26 Augustus 2010 15:24 Geskryf deur Rethie van Niekerk

Lees 1 Konings 21

Luister na die teksgedeelte - wat tref jou?

• Watter woord of frase het vir jou uitgestaan?
• Waar het jou gedagtes vasgehaak?
• Deel dit met mekaar.
• Wat leer die gedeelte julle oor omgee in ‘n wêreld waar daar ongeregtigheid is?

Luister na die konteks - waar is ons?

• Wat is die konteks van die verhaal? (Geografies, polities, sosiaal, maatskaplik, ekonomies)
• Wat doen dit aan mense in die teksgedeelte - hoe reageer hulle daarop?
• Wat is ons konteks?  (Geografies, polities, sosiaal, maatskaplik,     ekonomies)
• Wat doen dit aan ons - hoe reageer ons daarop?
• Watter raakpunte en verskille is daar tussen hulle konteks en ons eie?

Luister na God - wat doen God?

• Waar is God in die verhaal besig om te werk?
• Wat is God se goeie nuus (= evangelie) in die verhaal?
• Hoe help die gedeelte jou om God se werk beter te verstaan?
• Waar is God in ons konteks besig om te werk?
• Wat is God se goeie nuus (= evangelie) vir ons konteks?
• Hoe roep God jou om betrokke te raak by wat Hy doen in ons konteks?

Kleingroep-materiaal: 2 Konings 5 - 22-28 Augustus

Kleingroepe - Materiaal

Sondag, 22 Augustus 2010 00:00 Laas Opdateer op Vrydag, 20 Augustus 2010 16:12 Geskryf deur Chris van Wyk

RUS EN ONTVANG

• Dink na oor jou kontak met mense die laaste week.
  • Waar het iemand iets kleins vir jou beteken wat ’n verskil in jou lewe gemaak het?
  • Waar kon jy iets kleins vir iemand doen wat ’n verskil in hulle lewe gemaak het?
• Vertel dit vir mekaar en dank die Here vir wat Hy deur mense vir jou en deur jou vir ander beteken het.

HOOR EN ONTGIN

• Lees die verhaal van die dogtertjie en Naäman in 2 Konings 5.
• Sê vir mekaar wat die teks by jou wakker gemaak het.
  • Dit is belangrik dat mense kans kry om te deel wat hulle self gehoor het.
  • Ons val mekaar dus nie in die rede of kritiseer mekaar nie.
  • Julle kan “ eggo” wat julle gehoor het, deur kortliks op te som wat julle by mekaar gehoor het.
• Hoe inspireer die verhaal jou?
• Wat leer die teks vir jou oor dankbaarheid en erkentlikheid?

LEEF EN ONTPLOOI

• Dink nou weer na oor jou kontak met mense die afgelope tyd.  Wat dink jy is God besig om deur die kontakte met jou te laat gebeur?
• Wat is jy besig om te leer wat jy beter sou wou doen?
• Na wie toe stuur die Here jou weer terug?
• Sluit af met 'n gebed.
• Onthou om die geestelike gewoonte van dankbaarheid en erkentlikheid te beoefen.  Voorstelle hier.